અપડેટ:
સરદાર પટેલ ક્રિકેટ સ્ટેડીયમ, મહેસાણા ખાતે તા. ૧૨ થી ૧૫ ફેબ્રુઆરી ૨૦૨૬ સુધી રાજ્ય કક્ષાની ITI સ્ટાફ ક્રિકેટ ટૂર્નામેન્ટ ૨૦૨૬ યોજાશે
આ ટુર્નામેન્ટમાં ગુજરાત રાજ્યની વિવિધ સરકારી ITI ના કર્મચારીઓ અને અધિકારીશ્રીઓની ૨૭ ટીમો ભાગ લેશે
મહેસાણા ઔદ્યોગિક તાલીમ સંસ્થાના આચાર્યશ્રીની અખબારી યાદીમાં જણાવ્યા પ્રમાણે તાલીમ અને રોજગાર ખાતુ, ગાંધીનગર દ્વારા પ્રેરિત અને ઔદ્યોગિક તાલીમ સંસ્થા (ITI), મહેસાણા તેમજ સ્ટેટ લેવલ ક્રિકેટ કમીટી દ્વારા આ વર્ષે "રાજ્ય કક્ષાની ITI સ્ટાફ ક્રિકેટ ટૂર્નામેન્ટ-૨૦૨૬" નું આયોજન તા. ૧૨ ફેબ્રુઆરી થી ૧૫ ફેબ્રુઆરી ૨૦૨૬ સુધી સરદાર પટેલ ક્રિકેટ સ્ટેડીયમ, મહેસાણા ખાતે
કરવામાં આવ્યું છે.
આ ટુર્નામેન્ટમાં ગુજરાત રાજ્યની વિવિધ સરકારી ITI ના કર્મચારીઓ અને અધિકારીશ્રીઓની ટીમો ભાગ લેશે. જેમાં ૨૦ પુરૂષ ટીમો અને ૭ મહિલા ટીમો મળી કુલ ૨૭ ટીમો ભાગ લેશે.
આ સ્પર્ધાનો મુખ્ય ઉદ્દેશ્ય તાલીમ ક્ષેત્રે જોડાયેલા સ્ટાફમાં ખેલદિલીની ભાવના વધે અને આંતર-સંસ્થાકીય સંબંધો મજબૂત બને તેવો છે.
